A Consellería de Sanidade vén de confirmar ao Concello de Boqueixón a detección de 4 casos activos de COVID-19 no municipio. Deste xeito, a incidencia acumulada nos últimos 7 días é de entre 25 e 75 casos por cada 100.000 habitantes. Boqueixón continúa no nivel de restrición media-baixa. Porén, dende o Concello apélase á responsabilidade veciñal para intensificar as medidas de prevención contra a expansión da COVID-19 para que non se incrementen os casos existentes.