Albergue familiar inaugurado en 2018. Dispón de 14 prazas en liteira e 4 en camas, distribuídas en 2 habitacións dobres con baño e 1 habitación con liteiras con 14 camas. Conta con servizo de sabas de tea e toalla, duchas, auga quente, calefacción,  salón de xogos e lectura, terraza, lavadora e secadora.

Casa restaurada en 2023.

Casa con dúas vivendas totalmente independentes.

• Casa da Americana I: Capacidade para 6 persoas.
  Todas as comodidades dun hotel como se estiveras na túa casa.
  Dispón de cociña e salón comedor integrado na planta baixa e un aseo. Habitación principal con cama de matrimonio grande e baño privado completo, outra habitación de matrimonio e un baño completo xeral. No baixo cuberta, atópase unha habitación con cama “King” e zona de estar propia.
• Casa da Americana II: Capacidade para 8 persoas.
  Dispón de cociña e salón comedor integrado na planta baixa e un aseo. Dispón de habitación principal con cama de matrimonio grande e baño privado, outras 2 habitacións de matrimonio e un baño completo xeral. No baixo cuberta, atópase unha habitación con cama “King” e zona de estar propia.

A parte exterior común a ámbalas dúas vivendas, está composta por solario con zona verde, e unha pérgola ideal para xantar ó aire libre, facer un churrasco ou tomar o sol.

Típica casa rústica galega do século XVIII, coñecida inicialmente como Casa das Mulas e máis tarde como Casa dos Reitores, foi recentemente restaurada mantendo intacta a súa arquitectura tradicional. Dispón de nove habitacións dobres con baño e fío musical, unha delas acondicionada para minusválidos, ademais de amplos salóns, terraza, lareira, lagar, servicio de comedor e calefacción central.

Na finca de 45.000 m² que rodea a casa atópase unha carballeira, árbores froiteiras, camelias, horta e invernadoiros de flores. A súa privilexiada situación a escasos 100 m da Ruta da Prata, itinerario de peregrinaxe a Compostela, permite ao visitante achegarse ata ó cumio do Pico Sacro.

Vivenda de uso turístico de casi 300 m² distribuídos en 2 plantas, dispoñible para un máximo de 10 persoas durante todo o ano. Acondicionada coas seguintes comodidades necesarias: zona de lavadora e secadora, cociña, salón, comedor, zona de xogos cunha mesa de billar e outra de futbolín, 3 baños completos (un deles dobre), 3 habitación matrimoniais, 1 habitación de liteiras e 1 habitación cunha cama individual convertible en dobre. Tamén conta cun soportal na entrada, unha zona exterior, parking gratuíto dentro do aloxamento e unha zona de grellada.

María Manuela ofrece aos visitantes seis cabanas colgantes de madeira integradas nunha fermosa carballeira, respectando ao máximo os valores naturais e ambientais da contorna e con capacidade para 18 persoas.

Este conxunto de cabanas ubícase a carón dunha plantación de uva albariño enmarcada na D.O. Rías Baixas.

Aúnase así a paixón polo viño e polo turismo, creando Enoturismo María Manuela, un lugar máxico no que desconectar e desfrutar da natureza.
Proxecto gañador no 2020 do premio Agader á iniciativa de desenvolvemento rural na sección de Turismo.