GASTRONOMÍA

O Concello de Boqueixón conta cunha gastronomía baseada en produtos autóctonos de calidade (queixo, produtos da horta, pan, repostería, carne e viño da ribeira do Ulla, entre outros) e ofrece unha ampla variedade de exquisitos produtos locais, capaces de satisfacer os máis esixentes “paladares”.

Son ben coñecidas neste municipio as exquisitas “filloas”, que poden degustarse na Festa da Filloa de Lestedo, que se celebra cada “domingo de piñata” (domingo seguinte ó martes de entroido), na que miles de persoas se achegan a degustar este produto nas súas diferentes formas de acompañamento (con mel, chourizos, azucre, nata,..)

Os amantes do doce non poden deixar de probar a afamada “Tarta de Queixo de Lestedo” , elaborada por Tartas Lestedo, que ten un longo e exitoso percorrido de máis de 30 anos. Ademais desta, elaboran outras variedades (tarta de améndoa, tarta de Santiago (con IXP), tarta de “orujo”, tarta de chocolate, tarta de mazá e froitos do bosque),combinando tradición e experiencia con materias primas selectas.

A Queixería Bo-Queixo de Orto, con Denominación de Orixe Protexida Arzúa-Ulloa, que conta con numerosas distincións (Ouro 2015 e 2016 e Plata 2015), elabora queixos artesanais con leite pasteurizada de máxima calidade, que resultan inconfundibles polo seu aroma, textura e sabor.

As numerosas pastelerías e panaderías do municipio: “Panadería San Cidre”, “Pastelería Elena bombonería”, “Panadería Fachal Pastelería”, “Pastelería Panadería Bo Dulce”, “Panadería Suso”, “O Forno de Lestedo”, “Panadería Roan”, contan cunha destacada elaboración tradicional e artesanal de pan, unha gran variedade de empanadas e unha ampla carta de doces e tortas feitas con materiais 100% naturais e de alta calidade.

ONDE COMER E BEBER
GUÍA DE ESTABLECEMENTOS HOSTALEIROS DE BOQUEIXÓN