O Concello de Boqueixón distribúe un total de 48 contedores destinados a ampliar o servizo de recollida selectiva de residuos de orixe orgánica. Esta actuación está subvencionada ao abeiro da axuda para o financiamento de proxectos en materia de biorresiduos de competencia municipal, cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationEU.