O Concello de Boqueixón informa de que a Xunta de Galicia, a través do Instituto Galego do Consumo e da Competencia, xa ten preparadas as catro sesións de febreiro dos Venres de Consumo Responde: as follas de reclamación, a factura da luz, a seguridade dos produtos e servizos de telefonía e Internet. Mañá venres 3 de febreiro, ás 12:30 horas, terá lugar unha charla aberta sobre as follas de reclamación a través da aula virtual de consumo. Tras unha pequena exposición dos dereitos das persoas como consumidores, responderanse a todas as dúbidas.
Participar é totalmente de balde, polo que calquera veciño ou veciña de Boqueixón que desexe acceder a esta charla só ten que seguir estes pasos:
- Entrar na web do IGCC este venres ás 12.30 horas: https://consumo.xunta.gal/gl
- Facer click na imaxe «Venres de consumo»
- Entrarás nunha aula de Videoconferencia. Aquí tes dúas opcións:
- Se tes Webex instalado, uniraste directamente cando premas «Acceder»
- Se non tes Webex, preme «Unirse desde o navegador».