O local social de Lamas acollerá o mércores 15 de marzo, ás 10:30 horas, unha reunión informativa sobre a concentración parcelaria de Lamas, Loureda, Sergude e Vigo, decretada o pasado 26 de xaneiro. Unha reunión que contará coa presenza da directora xeral de Desenvolvemento Rural, Inés Santé, e persoal da Consellería do Medio Rural que aproveitarán para visitar a zona.

Unha área de reestruturación que abrangue unha superficie de 1.956,70 hectáreas, cun total de 8.101 parcelas e que beneficiará a un total de 1.224 persoas propietarias. Foron estes veciños e veciñas os que solicitaron este proceso de concentración, que foi apoiado Concello de Boqueixón para reorganizar o territorio e mellorar as condicións estruturais, técnicas e económicas das 120 explotacións en activo da zona, na súa maioría de vacún, équidos e porcos.