O Concello de Boqueixón abre o prazo de inscricións nunha nova edición do servizo de conciliación Semana Santa Activa, un programa lúdico educativo que facilita a conciliación laboral e familiar nestas vacacións de semana santa. As anotacións están abertas ata o vindeiro 25 de marzo.
As actividades desenvolveranse nas instalacións do concello e do CPI Orza Couto de O Forte.
Prazas: 25.
Datas: 30 e 31 de marzo e 1 e 6 de abril de 2026 (coincidindo co período vacacional da semana santa)
Horario: de 09:00 a 14:00 horas.
Dirixido a: rapazada que curse 2º ciclo de educación infantil, primaria e secundaria, con idades comprendidas entre os 3 e os 16 anos, cuxas nais, pais, titoras ou titores estean empadroados/as en Boqueixón (mínimo 3 meses de antigüidade) ou cando os/as menores estean escolarizados nun centro educativo do Concello de Boqueixón.
Prezos: Programa completo 30 € . Días soltos 10 €.
Inscricións: Realizaranse enviando a ficha de solicitude e demais documentación obrigatoria, a través da sede electrónica do Concello de Boqueixón (preferentemente) ou ben presencialmente no Rexistro Xeral do concello, ata cubrir as prazas.
Cabe a posibilidade de solicitar días soltos.
No caso de existir maior número de solicitudes de participantes empadroadas/os no Concello de Boqueixón ou matriculados/as nun centro educativo de Boqueixón, adxudicaranse as prazas por sorteo.
Documentación obrigatoria:
- DNI do solicitante
- Declaración da renda do 2024 ou xustificante acreditativo de non ter que presentala (obrigatoria nos supostos de solicitar bonificacións).
- Documento acreditativo de familia numerosa, familia monoparental, vítima de violencia de xénero e de estar escolarizados nun centro educativo de Boqueixón (no seu caso)
- acreditación de que os menores participantes nas actividades de conciliación están escolarizados nun centro educativo do Concello de Boqueixón. (Obrigatoria nos supostos de solicitar bonificacións).
- Documentación complementaria no caso de que sexa requirida.
Exencións e bonificacións:
| Supostos de bonificación (programa completo) | Porcentaxe de bonificación |
| Supostos de emerxencia social ou outra situación valorada tecnicamente polo Departamento de Servizos Sociais/Centro de Información á Muller. | 100% |
| Unidades familiares con ingresos que non superen o IPREM: 600,00 € / mes. | 100 % |
| Unidades familiares e familias numerosas con ingresos que non superen en 2 veces o IPREM: 1.200,00 € / mes; | 75 % |
| Unidades familiares e familias numerosas con ingresos que non superen en 3,5 veces o IPREM : 2.100,00 € / mes | 50 % |
| * 2º membro da unidade familiar matriculado no mesmo período de tempo. | 25 % |
| * 3º e sucesivos membros da unidade familiar matriculados no mesmo período de tempo | 50 % |
Cálculo do IPREM (Declaración do IRPF 2024): base impoñible xeral (recadro 435) + base impoñible de aforro (recadro 460) dividido entre 12 meses.
Os descontos do 2º e 3º membro aplícanse exclusivamente respecto das familias con dereito a bonificacións.
Máis información nos teléfonos 981 513061 e 981 513106 ou no correo electrónico cim@boqueixon.com
Prazo límite de inscricións ata o 25 de marzo de 2026