O concello de Boqueixón abre hoxe o prazo de inscricións en Madruga Boqueixón e Tardes Educativas e de Lecer , etapa 2026-2027.
Co obxectivo de conciliar a vida laboral, persoal e familiar co coidado de fillas e fillos menores, prestanse os seguintes servizo e que terán lugar nas instalacións municipais do CPI Orza Couto:
MADRUGA BOQUEIXÓN
Programa de conciliación que ofrece un servizo de acollida, coidado e vixiancia á rapazada antes do comezo das clases e que se desenvolve durante todos os días do período lectivo do ensino de 2º ciclo de educación infantil, primaria e secundaria no CPI Orza Couto. Establécese o coidado e atención dos/das menores ante do comezo das aulas.
Horario: de 7:30 a 9:00 horas
O almorzo será por conta propia ou no seu caso vir almorzados.
TARDES EDUCATIVAS E DE LECER
Programa de conciliación que se desenvolve despois do remate da xornada lectiva, durante todos os días do período lectivo do ensino infantil, de primaria e de secundaria no CEIP de O Forte.
Ofrece dous servizos en espazos diferenciados. Por unha banda e segundo a demanda de cada familia, a rapazada realizará as tarefas escolares diarias, con vixilancia e apoio de monitoras/res especializadas/os e resolvendo as dúbidas en caso de necesitalo e por outra banda a rapazada tamén realizará actividades lúdicas: lecturas, xogos e obradoiros variados.
Horario: 15:30 a 18:30 horas.
Inscricións e prazo
Preferentemente a través da sede electrónica ou ben no Rexistro Xeral do concello, presentando ficha de solicitude e demais documentación que se describe na mesma.
Posibilidade de inscrición con frecuencia semanal ou por días soltos, con preaviso por escrito de tres días, e sempre que existan prazas dispoñibles.
Apertura de solicitudes desde o 29 de xullo ata o 27 de agosto de 2026.
A confirmación de admisión nos servizos de conciliación será obxecto de publicación na páxina web municipal.
Pagamento
A obrigación de pago nace no momento da formalización da inscrición na actividade.
O cobro será mediante domiciliación bancaria e con carácter bimensual.
Non se reintegrará ningún importe sen causa debidamente xustificada.
Baixas ou modificacóns nos servizos
Ao igual que as inscricións, toda modificación de solicitudes presentadas, corrección de erros, baixa no servizo ou calquera outra cuestión que afecte ao servizo deberá presentarse por vía telemática, a través da sede electrónica do concello ou ben de xeito presencial por rexistro de entrada.
Ditas actividades están subvencionadas con cargo ao Plan Corresponsables, Consellería de Política Social e Igualdade e do Ministerio de Igualdade do Goberno de España.
Para mais información ou consultas no teléfono 981 513106 ou a través do correo electrónico cim@boqueixon.com
– Bases conciliación 2026-2027
– Preme para descargar a solicitude de inscrición a Madruga Boqueixón
– Preme para descargar a solicitude de inscrición a Tardes Educativas e de Lecer
