O Concello de Boqueixón informa que foron admitidas todas as solicitudes presentadas para os programas de conciliación Madruga Boqueixón e Tardes educativas e de lecer. Ambos os dous servizos comezarán a prestarse o vindeiro 9 de setembro, no CPI Antonio Orza Couto.

O Concello de Boqueixón lembra que existe a posibilidade de inscrición con frecuencia semanal ou por días soltos, con preaviso por escrito de 3 días, e sempre que existan prazas dispoñibles.

Madruga Boqueixón é un programa de conciliación que ofrece un servizo de acollida, coidado e vixiancia á rapazada antes do comezo das clases. Desenvolverase a partir do 9 de setembro durante todos os días do período lectivo do ensino de 2º ciclo de educación infantil, primaria e secundaria. Horario: de 7:30 a 9:00 horas.

Tardes educativas e de lecer é un programa de conciliación que se desenvolve todos os días despois do remate da xornada lectiva no CEIP de O Forte. Segundo a demanda de cada familia, a rapazada realizará as tarefas escolares diarias (con vixilancia e apoio de monitoras/res especializadas/os e resolvendo as dúbidas en caso de necesitalo) ou fará actividades lúdicas (lecturas, xogos e obradoiros variados). Horario: 15:30 a 18:30 horas.

Os dous programas están subvencionados con cargo ao Plan Corresponsables, Consellería de Política Social e Igualdade e do Ministerio de Igualdade do Goberno de España.

Para máis información ou consultas no teléfono 981 513106 ou a través do correo electrónico cim@boqueixon.com