Axudas complementarias ás achegadas pola Unión Europea no marco do Programa comunitario de mobilidade Erasmus e Suíza

Obxecto: establecer as bases reguladoras e convocar axudas comple­mentarias ao Programa comunitario de mobilidade Erasmus e Suíza, destinadas aos/ás es­tudantes de ensinanzas artísticas superiores en centros públicos de Galicia que participan no citado programa de mobilidade na educación superior durante o curso 2012/13.

Poderá solicitar estas axudas o alumnado de ensinanzas artísticas superiores de cen­tros públicos que cumpra os seguintes requisitos:

a) Ser cidadán da Comunidade Europea ou estranxeiro non comunitario con residencia legalizada no Estado español.

b) Estar matriculado no curso 2012/13 en calquera dos centros públicos que impartan ensinanzas artísticas superiores nesta comunidade autónoma.

c) Ter obtido unha bolsa Erasmus de mobilidade por estudos no curso 2012/13.

d) Que a duración mínima da estadía, para os efectos de concesión de bolsa, sexa de tres meses e a máxima de nove meses.

e) Non ter gozado desta axuda complementaria en convocatorias anteriores.

Prazo de presentación de solicitudes será dun mes, contado desde o seguinte ao da publicación desta convocatoria no Diario Oficial de Galicia.

Documentación que hai que presentar:

–  A solicitude (anexo I)

–  Declaración responsable (anexo II)

– Copia dixitalizada do documento acreditativo de ter concedida unha bolsa Erasmus de mobilidade por estudos no curso 2012/13.

– Declaración responsable de que o solicitante cumpre os requisitos establecidos para obter a condición de beneficiario segundo o artigo 10 da Lei 9/2007, do 13 de xuño, de subvencións de Galicia, e o artigo 13.2 e 3 da Lei 38/2003, do 17 de novembro, xeral de subvencións.

– Declaración responsable de que o solicitante está ao día no cumprimento das obrigas tributarias ou fronte á Seguridade Social e de non ter pendente de pagamento ningunha outra débeda coa Administración pública da Comunidade Autónoma.

Máis información no seguinte enlace:

• Actualidade