ORDE do 30 de decembro de 2013 pola que se convocan para o ano 2014 as axudas para o fomento da utilización de maquinaria en réxime asociativo en Galicia cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013 da CONSELLERÍA DO MEDIO RURAL E DO MAR (DOG. núm. 16 do 24 de xaneiro de 2013).
 OBXECTO E FINALIDADE: Convocar para o ano 2014 a liña de axuda en réxime de concorrencia competitiva para o fomento da utilización de maquinaria en réxime asociativo en Galicia (procedemento MR351A).
Esta liña de axuda está establecida na Orde do 19 de abril de 2013 (DOG nº 82, do 29.4.2013).  ESTA AXUDA TEN COMO FINALIDADE:
a) Promover a utilización de maquinaria e equipamentos de carácter agropecuario en réxime asociativo.
b) Fomentar a introdución de novas tecnoloxías no emprego de maquinaria e equipa­mentos.
c) Racionalizar os custos de mecanización, incrementar os mecanismos de seguranza no traballo, reducir as emisións contaminantes e fomentar o aforro enerxético, na procura dunha mellora da calidade de vida no medio rural.

BENEFICIARIOS E INVESTIMENTOS ELIXIBLES. Poderán ser beneficiarios da axuda regulada nesta orde:

a) As cooperativas agrarias que teñan como obxecto social prioritario a adquisición e a utilización de maquinaria de carácter agropecuario en común, denominadas convencio­nalmente cooperativas de utilización de maquinaria agrícola, en diante CUMA, sociedades agrarias de transformación, en diante SAT, que teñen como obxecto social prioritario a utilización de maquinaria de carácter agropecuario en común, e as cooperativas agrarias con sección específica de maquinaria agrícola e soamente para investimentos di­rectamente relacionados coa súa actividade as comunidades de regantes, asociacións de viticultores en terreos con pendentes superiores ao 15 % e asociacións de faba e castaña.
b) O resto das cooperativas agrarias que adquiran maquinaria e equipamentos de ca­rácter agropecuario para prestaren servizos aos seus socios.
c) As cooperativas de explotación comunitaria da terra e as SAT procedentes da fusión de, polo menos, dúas explotacións, nos 5 anos posteriores á súa constitución.
2. Os investimentos elixibles son os que figuran no artigo 4 das bases reguladoras.

PRAZO E FORMA DE PRESENTACIÓN: O prazo de presentación de solicitudes será dun mes contado a partir do día seguinte á publicación desta orde no Diario Oficial de Galicia. A documentación presentarase na sede electrónica ou por calquera outro medio válido en dereito.

CONTÍA ECONÓMICA DAS AXUDAS:
 

• No caso das CUMA e SAT cuxo obxecto social prioritario sexa a utilización de maqui­naria de carácter agropecuario en común, e cooperativas agrarias con sección específica de maquinaria, indicadas no artigo 2.1º.a) desta orde    A porcentaxe de axuda será de ata o 40 % segundo se localice a entidade beneficiaria en zona ordinaria e do 50 % en zonas desfavorecidas ou de montaña, ata un máximo de subvención de 100.000 euros. No caso de estudos técnico-económicos de viabilidade, a subven­ción máxima será de 1.500 euros.      

• No caso das cooperativas agrarias recollidas no artigo 2.1º.b) desta orde, a porcenta­xe de axuda será de ata o 35 % segundo se localice a entidade beneficiaria en zona ordi­naria.    45% en zonas desfavorecidas ou de montaña, ata un máximo de subvención de 100.000 euros. No caso de estudos técnico-económicos de viabilidade, a subvención máxima será de 1.500 euros.      

• No caso das cooperativas de explotación comunitaria da terra e as SAT recollidas no artigo 2.1º.c) desta orde    A porcentaxe de axuda será de ata o 35% segundo se localice a entidade beneficiaria en zona ordinaria, e do 45 % en zonas desfavorecidas ou de mon­taña, ata un máximo de subvención de 20.000 euros, por explotación fusionada. No caso de estudos técnico-económicos de viabilidade, a subvención máxima será de 600 euros.     

+ INFO: http://www.xunta.es/dog/Publicados/2014/20140124/AnuncioG0165-160114-0004_gl.pdf