Unha vintena de familias tomaron parte da nova sesión do programa Educar en Familia, que organiza o Concello de Boqueixón en colaboración coa Dirección Xeral de Saúde Pública. Unha quenda que tivo lugar este sábado 22 de abril nas instalacións de Enoturismo María Manuela (Pousada) e na que as familias debateron sobre as claves para unha boa comunicación, asesorados polas psicólogas Adriana Rodríguez e Mónica Blanco.