A Consellería de Política Social e Igualdade, a través de Orde do 3 de xaneiro de 2025, publicada no DOG do 22 de xaneiro do 2025, aproba as bases reguladoras para a concesión, no ano 2025, das axudas establecidas no artigo 27 da Lei orgánica 1/2004, do 28 de decembro, de medidas de protección integral contra a violencia de xénero, e no artigo 43 da Lei 11/2007, do 27 de xullo, galega para a prevención e o tratamento integral da violencia de xénero. Código SI434B
Tipos de axudas
- Axudas establecidas no artigo 27 da Lei Orgánica 1/2004, de 28 de decembro, que comprende as axudas dirixidas a mulleres vítimas de violencia de xénero segundo o disposto no artigo 1 da Lei orgánica 1/2004, do 28 de decembro. Esta condición acreditarase con algún dos documentos establecidos no artigo 8.1. e ademais:
- Estar empadroada e ter residencia efectiva en calquera dos concellos da Comunidade Autónoma de Galicia. No caso das mulleres estranxeiras, tamén será necesario ter permiso de residencia e de traballo.
- Non convivir co agresor
- Ter especiais dificultades para obter un emprego.
- Carecer de rendas que, en cómputo mensual, superen o 75% do salario mínimo interprofesional vixente, excluída a parte proporcional de dúas pagas extraordinarias.
- Axudas de indemnización dirixidas ás mulleres que sofren violencia de xénero e/ou as e vos menores ou persoas dependentes delas polos danos e perdas ocasionados como consecuencia dá situación de violencia, fixadas mediante sentenza xudicial, non caso de incumprimento, por insolvencia, por parte do obrigado a satisfacelas – indemnización establecida non artigo 43 dá Lei 11/2007, do 27 de xullo, galega para a prevención e ou tratamento integral dá violencia de xénero.
PRAZOS
O prazo para a presentación de solicitudes comezará o día seguinte ao da publicación desta orde no Diario Oficial de Galicia e finalizará o 28 de novembro de 2025.
INCOMPATIBILIDADES
O dereito á axuda económica establecida no artigo 27 da Lei orgánica 1/2004, do 28 de decembro, será compatible coas axudas previstas na Lei 35/1995, do 11 de decembro, de axudas e asistencia ás vítimas de delitos violentos e contra a liberdade sexual, coas pensións de invalidez e de xubilación da Seguridade Social na súa modalidade non contributiva, así como con calquera outra axuda económica de carácter autonómico ou local concedida pola situación de violencia de xénero.
Cando se trate dun caso de violencia sexual labor por quen sexa ou fose o seu cónxuxe ou por quen estea ou estivese ligado á vítima por similares relacións de afectividade, aínda sen convivencia, a vítima deberá optar entre a axuda prevista no Real decreto 1452/2005, do 2 de decembro, e a axuda prevista no Real decreto 664/2024, do 9 de xullo.
A axuda de indemnización establecida no artigo 43 da Lei 11/2007, do 27 de xullo, é incompatible coa percepción de calquera outra axuda establecida tanto polas administracións públicas ou calquera dos seus organismos, entes ou sociedades, como por calquera entidade privada destinadas ao mesmo fin.
Por ter distinta finalidade, a axuda económica e a indemnización reguladas nesta orde serán compatibles entre si.
Máis información e tramitación de ditas solicitudes chamando ao CIM do Concello de Boqueixón, teléfono: 981 513 061, enderezo electrónico: cim@boqueixon.com ou ben na Dirección Xeral de Loita contra a Violencia de Xénero, teléfono 981 545373, correo electrónico vx.igualdade@xunta.gal ou a través da páxina web oficial da Xunta de Galicia, https://sede.xunta.gal/guia-de-procedementos-e-servizos.