O Concello de Boqueixón presenta unha nova edición dos campamentos de verán. Trátase dunhas actividades socioeducativas e de desenvolvemento persoal que buscan potenciar as relacións entre a rapazada mentres desfrutan do deporte e do tempo libre. O prazo de preinscrición está aberto ata o 24 de abril.
As familias poden elixir entre:
- Minicampamento de aventura, dirixido a nenos e nenas nados nos anos 2015, 2016 e 2017. Terá lugar do 23 ao 26 de xuño. Prezo: 160 euros. Formulario de preinscrición.
- Campamento de mar, do 22 ao 29 de xuño (8 días e 7 noites). Ten como destinatario mocidade nada en 2010, 2011, 2012, 2013, 2014 e 2015. Prezo: 250€. Formulario de preinscrición.
Para formalizar a inscrición, teranse en conta os seguintes criterios de admisión, por orde de prioridade:
- participante empadroado en Boqueixón (cun mínimo de 3 meses de antigüidade)
- pai, nai, titor/a empadroado (mínimo 3 meses de antigüidade)
- participante escolarizado en Boqueixón
- resto de nenas/os.
