O Concello de Boqueixón informa de que a Deputación da Coruña vén de abrir un novo prazo de inscrición ata as 8:00 horas do 4 de xuño para a sesión «Ciberseguridade para pemes e autónomos: o poder das persoas». Un curso en liña que se desenvolverá o 4 de xuño, de 9:00 a 11:00 horas. A participación é totalmente de balde, previa inscrición neste formulario.

Esta sesión fai un repaso polas cuestións principais de ciberseguridade que afectan ás persoas no seu día a día, tanto no ámbito corporativo coma no persoal. Con este curso gratuíto búscase que as persoas asistentes comprendan a importancia das técnicas de manipulación e engano nos procesos de ciberatauqes, con especial atención ao phishing como modalidade máis estendida (facerse pasar por empresas, entidaes oficiais ou persoas de confianza para roubar datos confidenciais ou instalar software malicioso).

As pemes asistentes recibirán sen custo un informa básico do seu estado de ciberseguridade para coñecer os seus riscos e dar os primeiros pasos.