O Concello de Boqueixón disporá de 3 prazas para a Campaña de Inverno 2020 que ofrece estancias en Cabeza de Manzaneda. Dita campaña, impulsada pola Deputación da Coruña, establece estancias e manutención na segunda quenda, entre os días 31 de xaneiro e 3 de febreiro de 2020, en aloxamentos situados nesta estación invernal.
As prazas están dirixidas a rapazada de entre 11 e 15 anos. O prazo de inscricións estenderase entre os días 12 de novembro e 4 de decembro. Deberanse realizar no Departamento de Deportes do Concello de Boqueixón a través do teléfono 636 731 721 ou no e-mail deportes@boqueixon.gal. As persoas interesadas deberán aboar 85 euros como cota de participación e unha vez sexan seleccionados/as incluirá todos os gastos.
Para máis información, cómpre poñerse en contacto co Departamento de Deportes de Boqueixón.