O Concello de Boqueixón abre o novo curso deportivo cunha programación integral dirixida tanto á poboación adulta como á rapazada do municipio.

A oferta estenderase de setembro a xuño de 2027, achegando a práctica da actividade física a diferentes instalacións e parroquias locais.

Escolas deportivas municipais:

A convocatoria de matrícula para as escolas deportivas exténdose ata 0 21 de setembro e as actividades darán comezo a partir do mes de outubr As disciplinas e categorías ofertadas son as seguintes:

Patinaxe artística (impartida por Ágora Boqueixón no Pavillón de Lestedo):

• Grupo I: martes e xoves de 17:00 h a 17:45 h (grupo de iniciación, nados/as entre 2010 e 2021).

• Grupo II: martes e xoves de 17:45 h a 18:45 h (nados/as entre 2010 e 2021).

• Grupo III: martes e xoves de 18:45 h a 19:45 h (nados/as entre 2010 e 2021 con proba de nivel superada).

Judo (impartido pola Escola Judo Club no Ximnasio Municipal do Forte):

• Grupo I: luns (4º, 5º e 6º de primaria).

• Grupo II: xoves (infantil, 1º, 2º e 3º de primaria).

Ximnasia rítmica (impartida polo Club Squadra no Ximnasio Municipal do Forte):

• Grupo I: luns e mércores de 14:30 h a 15:30 h.

• Grupo II: martes e xoves de 15:30 h a 16:30 h.

Fútbol (impartido pola Escola Deportiva Vedra-Boqueixón):

• Grupo I (Xuvenil): nados/as en 2008, 2009 e 2010.

• Grupo II (Cadete): nados/as en 2011 e 2012.

• Grupo III (Infantil): nados/as en 2013 e 2014.

• Grupo IV (Alevín): nados/as en 2015 e 2016.

• Grupo V (Benxamín): nados/as en 2017 e 2018.

• Grupo VI (Prebenxamín): nados/as en 2019 e 2020.

• Grupo VII (Biberón): nados/as en 2021 e 2022.

Actividades físico-deportivas para persoas adultas

O programa para persoas adultas arrinca este mes de setembro cun rexistro previo de preto de 300 persoas inscritas, distribuíndo as súas sesións polas instalacións do Forte, Ledesma, Camporrapado e Lestedo.

O pilates volve ser a modalidade de maior demanda, contando con nove grupos xerais e tres específicos de pilates terapéutico. O cadro de actividades complétase coas seguintes disciplinas:

• Pilates e Pilates Terapéutico: Diversas quendas de mañá e tarde, distribuídas en quendas de luns e mércores ou martes e xoves, nas instalacións do Forte e de Ledesma.

• Zumba: Grupos repartidos entre Camporrapado, O Forte e Lestedo.

• Ioga: Sesións programadas no Forte e en Camporrapado.

• Otras modalidades no Forte: Step, ximnasia para maiores, bailoterapia, así como os programas intensivos de Circuit Training e Cross Funcional.

Procedemento de matrícula e información xeral

O prazo para formalizar a inscrición nas escolas deportivas infantís remata o 21 de setembro. As persoas interesadas en calquera dos programas deportivos municipais poden dirixirse ao Departamento de Deportes do Concello de Boqueixón a través dos seguintes medios para solicitar información sobre prazas vacantes, prezos ou inscribirse:

• Correo electrónico: cultura@boqueixon.es

• Teléfono de atención: 981 513 061