Algo máis de trinta persoas participaron este domingo nunha andaina circular e gratuíta organizada polo Concello de Boqueixón. Un percorrido de 13 quilómetros polas parroquias de Gastrar, Vigo e Loureda no que as persoas participantes percorreron os lugares recollidos no libro “Unha matanza esquecida”, de Severino Fernández Abel.
A andaina durou aproximadamente 4 horas, tempo no que os camiñantes estiveron acompañados por Fernández Abel, veciño de Gastrar, quen foi facendo comentarios nos lugares históricos recollidos no seu libro.
