O sábado 27 de xuño pola mañá terá lugar unha nova edición do xa tradicional Descenso do Ulla, con saída en Ponteledesma (Boqueixón) e meta na área recreativa de Agronovo (Vedra). Un percorrido lúdico para desfrutar do ocio, da natureza e da beleza do río Ulla.
O número de prazas é limitado. As inscricións abriranse do 8 a o 22 de xuño a través deste FORMULARIO WEB DE INSCRICIÓN (que se abrirá o luns 8 de xuño).
O prezo é de 30 euros, que inclúe: 1 praza nun kaiac para dúas persoas, chaleco salvavidas e seguro.
Poden participar persoas adultas, así como rapazada maior de 13 anos, sempre que presente a correspondente autorización familiar.
