Os preto de cen nenos e nenas que participan no Verán Activo-Plan Corresponsables 2023 desfrutaron esta mañá dunha divertida sorpresa: o espectáculo de Galitoon «The show Moscón». No exterior das instalacións educativas do Forte, a rapazada gozou dun circo  de monicreques ambulante de varietés presentado por un moscón gordo e rollizo. Un circo representado por un armario que abra as súas portas para amosar os distintos números que hai no seu interior:  divas da canción, absurdos números musicais, espeluznantes magos e mentalistas, incribles bebés equilibristas, números de danza, humor…

Este espectáculo é unha homenaxe de Galitón ás diferentes escolas e técnicas de manipulación de monicreques aprendidas ao longo dos últimos 15 anos e utilizadas nos seus distintos traballos. A actuación estivo organizada polo Concello de Boqueixón en colaboración coa Xunta de Galicia.