Convocatoria de cursos de adaptación da actividade física e deportiva ao socorrismo en instalacións acuáticas (CAFDO-IA) e en espazos acuáticos naturais (CAFDO-EAN), para licenciados ou graduados en Ciencias da Actividade Física e o Deporte e técnicos  superiores en Animación de Actividades Físicas e Deportivas, co obxectivo de acadar a formación mínima que deben reunir os/as socorristas acuáticos/as para o seu exercicio profesional no ámbito territorial da Comunidade Autónoma de Galicia e a súa inscrición no Rexistro Profesional de Socorristas Acuáticos da Comunidade Autónoma de Galicia (DOG. núm. 52, Academia Galega de Seguridade Pública)

LUGAR DE IMPARTICIÓN: Os cursos convocados realizaranse na Academia Galega de Seguridade Pública (r/ Cultura, s/n, A Estrada, Pontevedra), sen prexuízo da realización das prácticas ou outras actividades necesarias fóra da Agasp.

CONTIDO DAS ACTIVIDADES FORMATIVAS: O contido das diferentes actividades formativas convocadas pola presente resolución son as establecidas no anexo V e anexo VI do Decreto 35/2017, polo que se modifica o Decreto 104/2012, que establecen diferentes módulos formativos. Entre os módulos formativos inclúense as prácticas profesionais non laborables, que deberán realizarse obrigatoriamente  para obter a certificación do curso, sen que sexa posible a súa validación.

DESTINATARIOS/AS:

1. Licenciados/as ou graduados/as en Ciencias da Actividade Física e o Deporte.
2. Técnicos/as superiores en Animación de Actividades Físicas e Deportivas.

Non atoparse inscrito de forma definitiva no Rexistro Profesional de Socorristas  Acuáticos da Comunidade Autónoma de Galicia.

PRAZO DE INSCRICIÓN: O prazo de inscrición é de sete días naturais a partir do día seguinte ao da publicación desta resolución no Diario Oficial de Galicia.

SOLICITUDES:

1. O persoal que desexe participar nos cursos convocados nesta resolución deberá cubrir o formulario de matrícula telemática dispoñible na páxina web da Agasp (http://agasp.xunta.gal); non se admitirá ningunha outra forma ou modelo de solicitude. Ademais, os interesados durante este prazo de solicitudes, achegarán mediante correo electrónico ao enderezo formacion.emerxencias.agasp@xunta.gal o título de licenciado ou graduado en Ciencias da Actividade Física e o Deporte ou de técnico superior en
2. As persoas que non sexan usuarias da páxina web da Agasp deberán previamente darse de alta nela, para o cal é necesario facilitar unha conta persoal de correo electrónico.
3. En caso de dúbida, dificultades técnicas ou necesidade de máis información poderán dirixirse á Agasp a través dos números de teléfono 886 20 61 12, 886 20 61 37 e 886 20 61 38, do fax 886 20 61 23 ou do enderezo de correo electrónico formacion.emerxencias.agasp@xunta.gal, que adoptará as medidas necesarias para facilitar a presentaciónde solicitudes.
4. A falsidade ou ocultación de datos esenciais para a selección das persoas aspirantes dará lugar á exclusión automática do curso solicitado.
5. Serán excluídas automaticamente aquelas solicitudes que non teñan cubertos correctamente todos os datos para realizar a selección do alumnado, non se axusten ao modelo normalizado ou sexan presentadas fóra de prazo.
6. Non está permitida a realización de cursos que teñan simultaneidade de horarios nunha ou varias sesións presenciais.

ANEXO