O Diario Oficial de Galicia (DOG) publicou o pasado 23 de xaneiro de 2018 a convocatoria de probas libres de maio e setembro para a obtención do título de Graduado en ESO para maiores de 18 anos. Os prazos de matrícula para ditas probas esténdense do 12 ao 23 de marzo, no caso da convocatoria de maio, e do 2 ao 9 de xullo, para a de setembro.

Para formalizar a matrícula as persoas interesadas deberán acudir, segundo a letra de comezo do primeiro apelido, ao IES San Clemente -de A a L- ou ao IES Rosalía de Castro -de M a Z-. As probas terán lugar os días 25 de maio e 7 de setembro, en horario de mañá e tarde. Para máis información, acudir Departamento de Educación e Cultura (981 513 115).