O Concello de Boqueixón organiza un evento especial no Monte Ilicino que incluirá explicacións astronómicas a cargo de Xabier Molina, servizo de foodtruck e venda de gafas homologadas

O Pico Sacro acollerá o vindeiro mércores 12 de agosto, ás 19:30 horas, unha cita astronómica única para contemplar o eclipse solar desde un dos puntos máis emblemáticos e con mellores vistas de toda Galicia.

A actividade, promovida polo Concello de Boqueixón, contará coa colaboración de Xabier Molina, afeccionado á astronomía, quen ofrecerá explicacións sobre o fenómeno para que as persoa asistentes poidan entender e desfrutar ao máximo de cada fase do eclipse.

Gastronomía e seguridade para unha xornada completa

Para amenizar a xornada e completar a experiencia no monte ilicino, o evento contará coa presenza da foodtruck Alex Iglesias Gastro, que ofrecerá a súa habitual variedade gastronómica e de bebidas durante o desenvolvemento da actividade.

Ademais, co fin de garantir unha observación segura do fenómeno astronómico, haberá a posibilidade de mercar no propio lugar as gafas específicas e homologadas para eclipses.

Inscricións e reservas

A organización recomenda realizar reserva previa para participar neste evento escribindo ao correo electrónico do Departamento de Cultura:

📧 Correo de reservas: cultura@boqueixon.es

📅 Data: Mércores, 12 de agosto

⏰ Hora: 19:30 h

📍 Lugar: Pico Sacro, Boqueixón