
O alcalde de Boqueixón, Ovidio Rodeiro, mantivo hoxe unha reunión co recentemente elixido conselleiro de Medio Ambiente e Cambio Climático, Nicolás Vázquez Iglesias, na que abordaron cuestións de interese municipal en materia de augas.
En concreto, o rexedor referiuse ao estudo municipal realizado co fin de mellorar o sistema de saneamento en pequenos núcleos do concello. Un proxecto que xa remitiura a Augas de Galicia para supervisión técnica e que presentara á súa predecesora no cargo, Ángeles Vázquez.

E é que aínda que as competencias en materia de saneamento, depuración e abastecemento de augas son municipais, a Xunta, a través da Consellería de Medio Ambiente e Cambio Climático, presta apoio técnico e económico aos concellos, especialmente os máis pequenos, para que poidan exercelas de xeito eficiente e presten servizos de calidade como o de Boqueixón.
